SBI Mutual Fund buys Bandhan Bank: देशातील सर्वात मोठ्या म्युच्युअल फंड हाऊसपैकी एक असलेल्या SBI Mutual Fund ने खासगी क्षेत्रातील बँक Bandhan Bank मधील आपला हिस्सा वाढवला आहे. ओपन मार्केटमधून शेअर्स खरेदी करत SBI Mutual Fund ची हिस्सेदारी आता 5% पेक्षा जास्त झाली आहे.
एक्सचेंज फायलिंगनुसार, SBI Mutual Fund ने 20 मे 2026 रोजी Bandhan Bank चे 16,98,478 शेअर्स खरेदी केले. हे बँकेच्या एकूण भागभांडवलातील 0.1054% इतके आहे. या खरेदीनंतर SBI Mutual Fund कडे आता एकूण 8,12,46,734 शेअर्स म्हणजेच 5.0432% हिस्सा झाला आहे. याआधी SBI Mutual Fund कडे 7,95,48,256 शेअर्स म्हणजे 4.9378% हिस्सा होता. त्यामुळे या व्यवहारानंतर त्यांनी 5% चा महत्त्वाचा टप्पा पार केला आहे.
Bandhan Bank च्या शेअरमध्ये जोरदार तेजी
गेल्या काही महिन्यांत Bandhan Bank च्या शेअरमध्ये चांगली तेजी पाहायला मिळाली आहे. मागील एका महिन्यात शेअर सुमारे 10.5% वाढला आहे. तर तीन महिन्यांत 14% आणि 2026 मध्ये आतापर्यंत (YTD) तब्बल 35% वाढ नोंदवली आहे. मात्र, दीर्घकालीन कामगिरीकडे पाहिल्यास, गेल्या तीन वर्षांत शेअरमध्ये सुमारे 20% घसरण झाली आहे. तसेच पाच वर्षांत हा शेअर जवळपास 35% खाली आला आहे.
Q4 निकालांमध्ये मोठी सुधारणा
Bandhan Bank ने FY26 च्या चौथ्या तिमाहीत मजबूत निकाल जाहीर केले आहेत. बँकेचा निव्वळ नफा (PAT) वर्षभराच्या तुलनेत 68% वाढून ₹530 कोटींवर पोहोचला. तसेच नेट इंटरेस्ट इन्कम (NII) 1.4% वाढून ₹2,800 कोटी झाली. कंपनीचा एकूण महसूलही 3.2% वाढून ₹3,570 कोटींवर गेला. मात्र ऑपरेटिंग प्रॉफिटमध्ये थोडी घट झाली आहे.
NPA मध्येही मोठी घट
बँकेच्या Asset क्वालिटीमध्येही सुधारणा दिसून आली आहे. ग्रॉस NPA 4.7% वरून 3.3% पर्यंत खाली आला आहे. तर नेट NPA 1.3% वरून 1% पर्यंत कमी झाला आहे. कमी स्लिपेज आणि चांगल्या रिकव्हरीमुळे बँकेवरील ताण कमी झाला असून त्यामुळे नफ्यात वाढ झाली आहे.
CEO काय म्हणाले?
Bandhan Bank चे MD आणि CEO Partha Pratim Sengupta यांनी सांगितले की, बँक पुढील काळात डिजिटल आणि ग्राहक-केंद्रित वाढीवर भर देणार आहे. नवीन प्रोडक्ट्स, मजबूत वितरण नेटवर्क आणि डेटा-आधारित निर्णयांच्या मदतीने टिकाऊ वाढ साधण्याचे लक्ष्य असल्याचे त्यांनी म्हटले.
