Flexi Cap Fund हा इक्विटी म्युच्युअल फंड (Equity Mutual Fund) आहे जो Large Cap, Mid Cap आणि Small Cap अशा सर्व प्रकारच्या कंपन्यांमध्ये गुंतवणूक करतो. SEBI नुसार या फंडाला कोणत्याही मार्केट कॅप श्रेणीत गुंतवणुकीचे स्वातंत्र्य असते. त्यामुळे फंड मॅनेजर बाजारातील परिस्थितीनुसार पोर्टफोलिओमध्ये बदल करून जास्तीत जास्त परतावा मिळवण्याचा प्रयत्न करू शकतो.
HDFC Flexi Cap Fund तपशील
HDFC Flexi Cap Fund हा भारतातील एक जुना आणि विश्वासार्ह फंड आहे ज्याची सुरुवात 01 जानेवारी 1995 रोजी झाली. 14 ऑगस्ट 2025 पर्यंत या फंडाचा Net Asset Value (NAV) ₹1,970.85 आहे आणि फंड साइज ₹7,011 कोटी इतका आहे.
या फंडाचा Expense Ratio 1.38% आहे, म्हणजेच व्यवस्थापनासाठी घेतला जाणारा खर्च तुलनेने वाजवी आहे. या फंडातून एक वर्षाच्या आत युनिट्स रिडीम केल्यास 1% Exit Load लागू होतो. फंडाचा बेंचमार्क इंडेक्स NIFTY 500 TRI आहे जो व्यापक बाजाराचे प्रतिनिधित्व करतो.
SIP आणि Lumpsum गुंतवणूक फक्त ₹100 पासून सुरू करता येते. स्थापनेपासून आजपर्यंत या फंडाने सरासरी 18.82% परतावा दिला आहे आणि यात कोणताही लॉक-इन कालावधी नाही.
5 वर्षांत HDFC Flexi Cap Fund ने दिलेले परतावे
गेल्या 5 वर्षांत HDFC Flexi Cap Fund ने गुंतवणूकदारांना तब्बल 27.25% वार्षिक रिटर्न दिला आहे (22 ऑगस्ट 2025 पर्यंत).
उदाहरणार्थ, जर तुम्ही दरमहा ₹1000 SIP केली असती तर एकूण ₹60,000 गुंतवणुकीवर तुम्हाला ₹57,520 नफा मिळाला असता आणि तुमची एकूण रक्कम ₹1,17,520 झाली असती.
त्याचप्रमाणे, ₹2000 SIP केल्यास ₹1,20,000 गुंतवणुकीवर एकूण मूल्य ₹2,35,039 झाले असते. तर ₹3000 SIP केल्यास ₹1,80,000 गुंतवणुकीवर एकूण मूल्य ₹3,52,559 झाले असते. ही आकडेवारी दाखवते की HDFC Flexi Cap Fund लांब पल्ल्यात किती चांगला परतावा देऊ शकतो.
का निवडावा HDFC Flexi Cap Fund?
HDFC Flexi Cap Fund हा दीर्घकालीन संपत्ती निर्माण करण्यासाठी उत्तम पर्याय मानला जातो. विविध मार्केट कॅप श्रेणीत गुंतवणुकीचे स्वातंत्र्य असल्यामुळे जोखीम पसरवली जाते आणि उच्च परताव्याची संधी मिळते. शिवाय, 1995 पासूनचा मजबूत ट्रॅक रेकॉर्ड आणि अनुभवी फंड मॅनेजमेंट टीममुळे हा फंड गुंतवणूकदारांसाठी विश्वासार्ह पर्याय ठरतो.
निष्कर्ष
जर तुम्ही किमान 5 वर्षांसाठी गुंतवणूक करण्याचा विचार करत असाल तर HDFC Flexi Cap Fund तुमच्या पोर्टफोलिओसाठी एक चांगला पर्याय ठरू शकतो. (पुढील लेखात आपण पाहू, Step-up SIP (10%) केल्यास किती जास्त फायदा होऊ शकतो.)
वाचा: HDFC Flexi Cap Fund Review: वैशिष्ट्ये, परफॉर्मन्स, फायदे आणि कोणी गुंतवणूक करावी?
