एका गुंतवणूकदाराने इंस्टाग्रामवर सांगितले की त्याचे Groww App ओपन होत नव्हते. पासवर्ड रिसेट करून पाहिला, तरीसुद्धा ऍप सुरू होत नव्हते. त्याला टेन्शन आले कारण त्याने बरीच गुंतवणूक Groww App मार्फत केली होती. Groww Support कडून रिप्लाय आला की Ticket Raise केल आहे. माझ्यामते लवकरच ऍप पुन्हा चालू होईल.
पण इथे एक महत्वाची गोष्ट लक्षात ठेवायला हवी – Groww, Zerodha, Paytm Money किंवा इतर अशा सर्व Investing Apps हे फक्त ब्रोकर / प्लॅटफॉर्म आहेत. तुमची खरी गुंतवणूक म्युच्युअल फंड कंपनीकडे (AMC) असते. त्यामुळे एखादे App तात्पुरते बंद झाले, लॉगिन प्रॉब्लेम आला, किंवा तांत्रिक अडचण झाली, तरी तुमचे पैसे सुरक्षित असतात.
तुम्ही थेट तुमच्या म्युच्युअल फंड कंपनीच्या वेबसाइट/मोबाइल App वरून किंवा ऑफलाइन फॉर्म भरून तुमचे पैसे रिडीम करू शकता. म्हणून अशा अडचणींमध्ये टेन्शन घेण्याची गरज नाही.
या घटनेतून गुंतवणूकदाराने काय शिकावे?
- आपले पैसे फक्त App मध्ये नसून AMC कडे गुंतवलेले आहेत हे समजून घ्या.
- नेहमी तुमच्या म्युच्युअल फंड AMC च्या वेबसाइट/कस्टमर केअरचा तपशील जवळ ठेवा.
- तांत्रिक अडचणी आल्या तर थेट AMC मार्फत व्यवहार करण्याचा पर्याय उपलब्ध असतो.
म्युच्युअल फंड सल्लागाराची भूमिका
जर तुम्ही स्वतः गुंतवणूक करत असाल तर चांगलेच आहे, पण अशा समस्या आल्या तर पुढे काय करावे हे समजत नसेल तर म्युच्युअल फंड सल्लागार खूप उपयोगी पडतो. सल्लागार तुम्हाला योग्य मार्गदर्शन करून तुमचे व्यवहार सोपे करतो आणि अनावश्यक टेन्शन टाळतो. म्हणजेच, स्वतः गुंतवणूक करणे चांगले आहे, पण प्रोब्लेम आल्यावर मार्गदर्शनासाठी एक विश्वासार्ह सल्लागार असणे अजून सुरक्षिततेचे कवच आहे.
योग्य म्यूचुअल फंड सल्ला हवाय? जॉइन करा इथे
